تجارب منشورة بعد المراجعة.

المفروض الاستلام كمان كام شهر و الارض لسه فاضية تماماً في capital tower 4 يعني بقالي سنتين و اكتر بدفع و مفيش اي حاجة اتبنت يعني الفلوس بتاعتي لو كانت في بنك كنت هاخد عليها 20 % فايدة كل سنة لو ده تعريف النصب استخدام الجاني لوسائل خداع أو كذب أو إيهام بمشروع وهمي أو انتحال اسم وصفة كاذبة. يبقى اللي حصل معايا ده ايه مش عارف فعلا بس تجربة استثمار فاشلة تماماً

كلموني عشان هيسلموا شهر 8 2027 المشروع اتوعدنا ان هيكون فيه سينما و مجمع بنوك و كيدز اريا و للاسف محصلش اتوعدنا ان التشطيب يكون على اعلى مستوى و حاليا التشطيبات رديئه المساحات كمان اقل من المتفق عليها و اقل من حتى نسبة التغيير الشركة غيرت كل حاجة اتفقنا عليها، و ده خلاني ارفع قضية على الشركة اني افسخ العقد لان كل عوامل الجذب للمول اختفت.

شركة نصابة حرفيا و ناس معندهمش بربع جنيه فهم ولا مهنية فى اى حاجة ، خدمة عملاء الشركة زى الزفت و موظفيين بلطجية و مش بيفهموا فى الذوق او فى حاجة عموما و بتوع اونطة كمبوند كابيتال جريين اللى كان المفروض حلم هنعيش فيه فى فلل خاصة و مستوى من الرفاهية , عدت ٣ سنين من التعاقد و هم لسة مبدؤوش فى اغلب المشروع و يدوب رموا سقف كام فيلا الشركة للاسف غيرت الماستر بلان و مش عاوزه تقول للملاك الماستر بلان الجديدة اية ولا اماكن الفلل الجديدة اية و لا جابوا مساحة منين للفلل الزيادة اللى اتضافت فى المشروع و تكلم خدمة العملاء مفيش حد فاهم حاجة فيهم حرفيا

اتفقت علي استلام الوحدة بعد سنتين من التعاقد علي ان تقوم الشركة الشركة بتسليمي الوحدة وتشغيلها وان نقوم بتسديد باقي الاقساط من الايجار الآن المول متاخر سنتين عن التسليم المفروض المول به مجمع بنوك وسينمات وفودكورت وكيدز أريا وغير واضح فالمول يبدو انه سنتر في العقد مكتوب ان التشطيب باعلي الخامات وواجهات مبادينا لكن ما أراه هو دهانات رديئة تم التعاقد علي المحل بأسعار مرتفعة جدا في وقت الشراء عن المحلات الاخري في المناطق المحيطة لادعاء الشركة ان المول سيقدم خدمات كثير ولكن للأسف لا يوجد اي منها حاليا أنا مضطر ادفع لاني ماضي علي شيكات ولكن الشركة غير ملزمه باي شي اجباري عليها لو فسخت العقد هخسر ولو بعت هخسر حسبي الله ونعم الوكيل

احترسوا من كابيتال هيلز الموضوع كابيتال هيلز وانا احد ملاك مشروع وين بلازا تم التعاقد على الوحدة على أساس إن المشروع فيه مجمع سينمات ومجمع بنوك وكيدز أريا وللأسف على ارض الواقع كله بقى محلات مكتوب نصاً التشطيب بأعلى الخامات متشطب بأسواء الخامات الواجهات متفقين كلادينج بقت دهانات طبعاً مفيش وحده لحد دلوقتى مساحتها مظبوطة طبعاً تاخير لحد الان سنتين والمصيبه لا يوجد رخصة من جهاز حدائق اكتوبر إلى الان وده معناه مفيش تشغيل ولا مطابقة وطبعاً أنا لو قعدت اكتب المشاكل مش هخلص فده مختصر بسيط من الكذب اللى بيتم. اما بالنسبة لبارك يارد 1 إلى الان لم يتم التشغيل رغم ادعاء انه شغال فى التسويق للعملاء الجدد والمول به مشاكل لا تحصى. فرجاء اى حد بيفكر انه يشترى من كابيتال هايلز لا يوجد اى مصداقية ولا التزام نهائياً